Bihar, uztailak 4, Piperraren Eguna ospatuko da Gernikako bizkaitar udalerrian. Gernikako azoka berezi honetan, izenak berak dioenez, Kalitateko Eusko Labela duen Gernikako Piperra sustatzea izango du helburu nagusitzat.
Gastronomiari eskeinitako egun honetan, piperrekin egindako pintxoak dasta ditzakete bisitariek, Bizkaiko Txakolinaz eta Arabako Errioxako ardoaz lagunduta. Honetaz gainera, inguruetako baserritarrek fruta eta barazki anitz jarriko dituzte Merkatu plazara bertaratzen direnentzat eta artisauek ere euren eskulanak erakutsiko dituzte.
Iturria | Euskadi.net
Erlazionatutako sarrerak
Hondarribiko Ostalaritza Elkarteak, Euskal Herriko Pintxo Txapelketa antolatuko du urtearen azken partean. Aurten txapelketaren laugarren edizioa ospatuko da eta sailkapen fasea Urriaren 5etik 9ra izango da. Finala ordea, Azaroaren 23tik 25era egingo da Donostiako Kursaal Jauregian.
Euskal Herriko IV. Pintxo Txapelketan parte hartzen dutenek honako sariak irabazteko aukera izango dute:
- Finalista bakoitzarentzat diploma egiaztagiria.
- Txapelduna. txapela, trofeoa eta 3.000,00 €
- Txapeldunordea. trofeoa eta 2.000,00 €
- Hirugarrena. trofeoa eta 1.000,00 €
- Kalitatea fundazioa saria
- Azti Berrikuntza Saria
- Nazioarteko Donostia-Gastronomika Sukaldaritza biltzarrean dohainik parte hartzea
- Etxe babesleen produktu sorta
- Parte hartzaile bakoitzarentzat Txapelketako sukaldari, taberna eta pinto guztiak azaltzen dituen liburu bat.
Euskal Herriko IV. Pintxo Txapelketan izena emateko epea 2009ko irailaren 30eko 12:00 arte izango da.
Informazio guzia | Euskal Herriko Pintxo Txapelketa
Erlazionatutako sarrerak
Uztailaren 3tik 4ra bitartean, ostiral eta larunbat honetan, folk musika eta musika tradizionala sustatzen duen Mendebala Jaialdia 2009 egingo da Sopuertako bizkaitar udalerrian. “Kantaurialdeko aniztasuna sustatzen” lelopean aurkitzeun dugu jaialdi honetan, zenbait ekintza kultural eta folk kontzertu ugariz gozatzeko aukera izango dugu.
Hona hemen Mendebala jaialdiaren egitaraua:
Ostirala - Uztailak 3
20:00 - Artisautza Azoka
22:00etatik aurrera:
- Korrontzi
- Cristina Pato
- Aira Pedra (kontzertuak)
Larunbata - Uztailak 4
20:00 - Artisautza Azoka
22:00etatik aurrera:
- Aura Kuby
- Llan de Cubel
- Adarrots
- Skama la Rede
Iturria | Mendebala Jaialdia
Erlazionatutako sarrerak
Uztailaren 1etik 10era bitartean, Jazzaharrean jazz jaialdiaren 4.edizioa egingo da Gasteizen. Hamar egunetan zehar, Jazz musikaz blai aurkituko ditugu Gasteizko alde zaharreko 16 toki: Parral, Gora, Iguana, plaza del Machete, Santa María katedraleko ataria, Hala Bedi taberna, La Riojana, Artium…
Alex Caporuscio italiarra izango da uztailaren 1ean jaialdiari hasiera emango diona, hemendik aurrera Basics, Miguel Salvador Quartet, Iguana Trio, Three of Us, Txatarreria Keaton, Kúrtulus, Priscilla, Fix This eta Juan Arenales & Hot Club bezalako taldeak izango ditugu eszenatoki gainean. Jaialdia amaitzeko, Bartzelonako Ass Trio taldearen kontzertua izango dugu.
Iturria | Euskadi.net
Webgune ofiziala | Jazzaharrean
Erlazionatutako sarrerak
Bihartik aurrera eta Uztailaren 4ra arte, Donostiako Antzerki Feriaren hamabosgarren edizioa egingo da Gipuzkoako hiriburuan. Estatu mailan antzerki azoka garrantzitsuenetarikoa izaten da Donostiakoa eta era berean, antzerkigintzako profesionalen elkargunea izatea lortzen du, 600 profesional inguru biltzen dituelarik.
dFERIA jaialdiak antzerki eta dantza egitarau zabala eskeintzen du, aretoetan zein kaleetan: Victoria Eugenia Antzokia, Kursaal Jauregia, Antzoki Zaharra, Gazteszena aretoa, Imanol Larzabal aretoa eta Donostiako kaleak eta plazak. Aretoetan egingo diren 20 bat obra ikusteko asmoa badaukazue, hauek izango dira sarreren salneurriak:
- Victoria Eugenia Antzokia: 20€ / 15€ / 10€
- Antzoki Zaharra, Lugaritz eta Gazteszena: 10€
dFeriaren webgunean egitarau osoa ikusteko edota jeisteko aukera ere badago.
Informazio guztia | dFeria
Erlazionatutako sarrerak
Atalak: Aisia, Turismoa 
Etiketak: Arabako Errioxako ardoa, Artisautza, Bizkaiko Txakolina, Eusko Label, gastronomia, Gernika, Piperraren Eguna 
