Urtero egiten den bezala, Urtarrilaren 17an, jatorrizko deituradun txakolin-uzta berriaren aurkezpena egingo da Getariako udalerrian. Txakolin Egunari hasiera emateko, meza egingo dute San Salvador elizan. Ondoren, iazko uztaren aurkezpen ekitaldi ofiziala egingo dute Getariako pilotalekuan, eta hara bertaratzen direnek 1.000 botila txakolin baino gehiago dastatzeko aukera paregabea izango dute.
Arratsalderako herri-kirolen (aizkolariak eta harri-jasotzaileak) erakustaldiak antolatu dituzte, eta musikak eta bertsoek ospakizuna girotuko dute.
Erlazionatutako sarrerak
Urtarrilaren 18tik 22ra bitartean, Goi Mendiari Buruzko Jardunaldien XIV. edizioa egingo da Gasteizen. Jardunaldietarako sarrera librea izango da eta zenbait hitzaldi egingo dira:
CAJA VITAL KUTXA ARETOAN
Urtarrilak 18
- Gaia: Vida entre las estrellas
- Hizlaria: Alberto Urtasun eta Patricia Viscarret
Urtarrilak 20
- Gaia: Noche heladas en el Kanchenjunga
- Hizlaria: Alberto Zerain
Urtarrilak 21
- Gaia: The Asgard project: Escalada y salto base
- Hizlaria: Carlos Suarez
Urtarrilak 22
- Gaia: Cho-Oyu 2009: Expedicion alavesa.
- Hizlaria: Estitxu Salinas eta Roberjo Rojo
EsESTADIO S.D ARETOA
Urtarrilak 18
- Gaia: Montaña y discapacidad, un mundo de posibilidades.
- Hizlaria: Alberto Urtasun eta Patricia Viscarret
Urtarrilak 20
- Gaia: Los dos Kangchenjungas
- Hizlaria: Alberto Zerain
Urtarrilak 21
- Gaia: Alpinismo y salto base, una evolucion natural.
- Hizlaria: Carlos Suarez
Urtarrilak 22
- Gaia: ¿Ochomiles faciles? Nuestra filosofia y ética.
- Hizlaria: Estitxu Salinas eta Roberjo Rojo
Iturria | Kiroldegi
Erlazionatutako sarrerak
Zinemarik ausartena Bizkaiko hiriburura iritsiko da berriro; izan ere, urtarrilaren 29tik otsailaren 6ra bitartean, Bilboko Gay-Lesbo-Trans 7. Nazioarteko Zinemaldia (Zinegoak) egingo dute bertan.
Zinegoak 2010 jaialdian, honako sariak banatuko dira: 3.000 euro fikziozko film luze onenarentzat, 2.000 euro dokumental luze onenarentzat eta 1.000 euro film labur onenarentzat. Lesbianismo eta Genero Berezia Saria (1.500 euro) ere banatuko dute.
Erlazionatutako sarrerak
Urtero egiten den bezala, Errege-egunaren hurrengo igandean, Familia Santuak Egiptora egindako ihesa ekartzen dute gogora Lazkaon. Tradizio handiko ohitura dugu Gipuzkoako udalerrian; izan ere, 1652tik aurrera, ia urtero ospatu dute Astotxo Eguna. 200 gaztek hartu ohi dute parte beneditarren Santa Ana komentutik abiatuta Lazkaoko kaleak zeharkatzen dituen antzezpen ikusgarrian. San Jose oinez doa, astotxo baten gainean doan Ama Birjinaren -besoetan Jesus haurra darama- aurretik. Ohiturak Irteera Pentateukoko liburuan du jatorria.
Horrez gainera, egun osoan zehar aurretiaz bedeinkatutako olatak saltzen dituzte, norberak jateko edo atzerrian dauden lazkaotarrei bidaltzeko. Eguneko egitarauaren barruan, Gipuzkoako astoen azoka eta lehiaketa ere nabarmentzen dira. Azkenik, Zistertarren konbentuan, Lazkao abesbatzaren partaidetzarekin egingo da 11:00etako Meza Nagusia.
Iturria | Lazkao.net
Erlazionatutako sarrerak
Urtarrilak 8an eta 9an, Motown The Show ikuskizuna egingo da Donostiako Kursaalean eta Bilboko Euskalduna Jauregian. 50eko hamarkadaren bukaeran Ameriketako Estatu Batuetan sortutako diskoetxe bat da Motown. Besteak beste, Stevie Wonder, Marvin Gaye, Diana Ross & The Supremes, The Jackson 5, Smokey Robinson eta The Temptations musika beltzaren izarrak bildu zituen, eta 60ko hamarkadan lortu zuen osperik handiena
Orain, Motown, the Show titulupean prestatu duten ikuskizunari esker, nostalgikoenek garai bateko ikur bihurtu ziren kantak berriz entzuteko abagunea izango dute. Hitzordua urtarrilaren 8an eta 9an izango da, Euskalduna eta Kursaal biltzar-jauregietan, hurrenez hurren.
Hona hemen ikuskizunaren informazio gehiago:
- Urtarrilak 8 - Donostia - 20:30etan - 41/45 euro
- Urtarrilak 9 - Bilbo - 20:00etan - 34/44 euro
Iturria | Euskadi.net
Erlazionatutako sarrerak
Atalak: 
Etiketak: 
