Abuztuaren 28an, San Roke jaien egitarauaren barruan, Baserritar Eguna ospatuko da Laudioko udalerrian. Goizeko 9:00etatik aurrera, baserritarren eta baserri munduari egindako omenaldia ospatuko da non nekazaritza-produktuak ikusteko eta erosteko aukera izango da.
Azokaz aparte, 12:30ean, herri-kirol ikuskizuna egongo da Lamuza Plazan eta, horren ostean, dantzak ikusteko aukera izango da. Herri-bazkariaren ostean, erraldoien eta buruhandien ibilaldia hasiko da 17:00etan erdigunean zehar, txistulariak eta gaita-jotzaileak lagun dituztela. 18:00etan Arabako artzain-txakurren XIII. lehiaketa egingo da.
Hortik aurrera, musikaz beteko dira udalerriko bazter guztiak. 18:00etan Kultur Jaia hasiko da Lamuza Plazan, txalapartariekin, albokariekin, trikitilariekin eta txistulariekin.
Iturria | Euskadi.net
Erlazionatutako sarrerak
Atalak: 
Etiketak: 
