Estilo-aniztasuna eta aktore bikainak. Horiek dira Eibarko Antzerki Jardunaldiak hobekien definitzen dituzten ezaugarriak. 33. edizio honetan 20 lan eskainiko dituzte, bi agertoki nagusitan (Hezkuntza Esparruko Antzokia eta Coliseo Antzokia), eta zortzi lan estreinako aldiz izango dira ikusgai gurean. Egitarauak ikuskizun handi eta arrakastatsuak hain ezagunak ez diren antzezlanekin uztartuko ditu.
Aurtengoan, La vida por delante eta La omision de la famila Coleman antzezlanek merezi dute aparteko aipamena. Gurean behin baino gehiagotan taularatu izan dute La vida por delante; Concha Velasco ospetsuak prostituta izandako emakume judu baten papera egiten du. Bestalde, familia berezi bateko kideak dira La omision de la familia Timbre 4 Argentinako konpainiak dakarkigun lanaren protagonista nagusiak.
Daniel Freire Argentinako aktoreak emango die hasiera aurtengo Eibarko Antzerki Jardunaldiei, Mercado libre ikuskizunarekin.
“Armagintzaren hirian” munduko txoko desberdinetako konpainiak izango dira, eta etxeko txikiei tarte berezia eskainiko zaie.
Hori gutxi balitz, “Antzerkia zineman” deritzon zikloaren baitan antzerkiaren munduarekin nolabaiteko lotura duten pelikulak erakutsiko dituzte.
Iturria | Euskadi.net
Informazio gehiago | Eibar.es
Erlazionatutako sarrerak
- Erlazionatutako sarrerak ez
Saturday Night Fever, gaur egungo musikalik ezagunenetako bat, Euskadin izango dugu aurki. Oraingo honetan Karen Brucek egingo ditu zuzendari lanak, izen bereko pelikula ospetsuan oinarrituta. Juan Pablo Di Pace (musikal askotan aritu izan da, baita Mamma mia filmean ere) Argentinako aktoreak Tony Manero gorpuztuko du, bere garaian John Travoltak egin zuen bezala.
Bi ordu baino gehiagoko lan zoragarri horrek ikusleak dantzan jarriko ditu, koreografia bikainak eta Bee Gees taldearen abesti ezagunak (“Stayin’ Alive”, “Night Fever” eta “How deep is your love”, esaterako) direla medio.
Musikala Donostiako Victoria Eugenia Antzokian eta Principal Antzokian izango da ikusgai, martxoaren 4tik 7ra eta 18tik 21era, hurrenez hurren. Egun batzuk geroago (maiatzaren 6tik 16ra) Bilboko Arriaga Antzokira iritsiko da.
Iturria | Euskadi.net
Erlazionatutako sarrerak
Datorren urteko urtarrilaren 3tik 5ra bitartean, Hamelingo Txirularia lana ikusteko aukera izango dugu Bilboko Arriaga Antzokian. Grimm anaiek sortutako pertsonaiaren magiak Arriaga Antzokia hartuko du, familia osoaren gozamenerako, eta honetan bi abesbatza, zazpi bakarlari eta 18 musikari arituko dira agertoki gainean.
Iñigo Casali iruindarrak konposatutako estreinako opera dugu honako hau, baita Nafarroako Ganbera Operak eszenaratu zuen lehenengoa ere. Pablo Ramosek egingo ditu eszena-zuzendari lanak. Aipatzekoa da azken horrek eskarmentu handia duela familiei zuzendutako ikuskizunetan (Ali Baba eta 40 lapurrak).
Sarrerak 12/8 eurotako prezioa izango dute.
Erlazionatutako sarrerak
Azaroaren 28tik abenduaren 6ra bitartean, TITIRIJAI ‘09 Tolosako Txotxongiloen Nazioarteko Jaialdiaren 27. edizioa ospatuko da. Txotxongiloen jaialdi honetan Atzerriko 7 herrialdetako hogei bat konpainiek parte hartuko dute: Kanada, Korea, Israel, Italia, Mexiko, Portugal eta Thailandia eta 7 Komunitate Erkidegotakoak: Andaluzia, Aragoa, Asturias, Katalunia, Euskadi eta Valencia.
“-ra leihoa” deituriko atala aurten Quebeceko (Kanada) Txotxongilora eskainia egongo da, horregatik Aranburu Jauregian muntatuko den Erakusketak herrialde horretako txotxongiloen erakusgai zabal eta zaindu bat aurkeztuko du.
Titirijai-ra hurbiltzekotan bazaude, heuren webgunean egitarau osoa ikusteko aukera izango duzue.
Informazio guztia | Titirijai
Erlazionatutako sarrerak
Azaroaren 13tik 28ra bitartean, Araba Eskena jaialdiaren bigarren edizioa ospatuko da arabako zenbait udalerrietan. Araba Eskena, arte eskenikoetan diharduten hainbat taldek, sarritan ohiko tokietara heltzeko zailtasunak dituzten lanak erakusteko esparru egokiak bilatu beharragatik sortu zen.
Ekimen honen bidez, gertuko konpainien emaitza artistikoak Arabako publikoari, aurrez aurre eta era zuzenean, erakutsi nahi zaizkio. Hona hemen Araba Eskenaren aurtengo egitaraua:
Ostirala 13
- Legutio 20:00
- Latirili Teatro “Piskolabis”
Larunbata 14
- Laudio 19:00
- Yonunka Teatro “Re ptiles sonrientes”
Igandea 15
- Agurain 17:30
- Cia Casiquesi “Amor y chocolate”
Ostirala 20
- Murgia 20:00
- Plataforma Tirante Cia. Evítame y demás “La teoría del ser de hojalata”
Larunbata 21
- Ondategi 21:00
- Los Mancusos “Tres contra cientos”
Igandea 22
- Gasteiz 20:00
- “MATCH DE IMPROVISACÓN”
Ostirala 27
- Aramaio 19:30
- J.B. Pedradas “Pepinos podridos (en el frigo)” (Euskaraz)
Larunbata 28
- Amurrio 20:00
- La Jarana Teatro “La cruzada de los niños de la calle”
Iturria | Araba Eskena
Erlazionatutako sarrerak
Atalak: Aisia, Antzerkia 
Etiketak: Coliseo Antzokia, Eibar, Eibarko Antzerki Jardunaldiak, Hezkuntza Esparruko Antzokia 
