Martxoaren 26tik Apirilaren 11ra arte, Aste Santua ospatuko da bizkaitar hiriburuan. Hau dela eta, zenbait ekintza kulturalez gozatzeko aukera izango dute Bilbora hurbiltzen direnek:
“KALESZENA” aire librean
Kultura eta Hezkuntza Sailak hurrengo egunetarako kaleko ikuskizunak antolatu ditu Aste Santuan publiko handia biltzen duten Bilboko zonaldeak animatzeko, besteak beste, Plaza Barria, Abandoibarra (Guggenheim ondoan), Kale Nagusia eta Ledesma eta Ercilla kaleak (Indautxu). Hiria bisitatzen dutenek edo festa berezi horiek hurbiletik bizitzeko geratzen direnek kultura egitarau zabalaz gozatzeko aukera izango dute apirilaren, 1, 2, 3 eta 4an. Umorea, akrobaziak, kabareta, piroteknia, malabarismoa, musika, dantza eta inprobisazioa, nazioarte mailako artista ospetsuen eskutik.
- KALESZENA programa apirilaren 1ean hasiko da, ostegunean, 18:00-21:00 artean, Plaza Barrian, lau pailazoren ikuskizun dibertigarriarekin. Ganso & Cia bilbotarrak zuzenduko du ikuskizuna eta konpainia desberdinak aurkeztuko ditu. Oholtzara igoko den lehena Gregor Wollny (Alemania) izango da, isiltasuna komunikatzeko hizkuntza bihurtzen eta publikoa bere fantasiazko mundura garraiatzen duena. Isiltasunaren aurrean, komedia lotsagabea eta piroteknia konbinatzen dira Benjamin A.J. Delmas-en (Italia) emanaldian, bere “Mr. Bang” ikuskizunarekin. Azkenik, Manolo Carambolas malagarrak, mimoa, pailazoa, malabarista eta akrobata denak, “Electricmim” bere azken lana aurkeztuko du.
- Hurrengo egunean, apirilaren 2an, ostiralean, berriro ere Plaza Barrian, 18.00 eta 21.00 artean, Dúo Full House (Suitza), Leandre (Katalunia) eta Abi Collins (Erresuma Batua) taldeen txanda izango da. Suitzarrek “Camus & Schumtz” eskainiko dute, barietate-antzerkia (malabarismoak, akrobaziak, orekak …); ondoren, Leandre, artista kataluniar beteranoaren txanda, bere 13 urteko ibilbidean ikasitakoa publikoarekin partekatzen duena eta publikoa bere etxera gonbidatzen duena, hau da, kalera. Bestalde, Abi Collins-ek “Buttabing! Buttaboom! Buttafly! aurkeztuko du, ekitaldi bakarreko hiphOpera, akrobazia, hula hoop eta Whitney Houstonen omenezko ahozko erronka biltzen dituena. Plaza Barriko eszenatokia Oreka TX taldeak itxiko du 21.30ean, multimedia proposamenarekin, musika eta irudiak nahastuta. Oraingoan, euren banda berriarekin eta bestelako musikari batzuekin hurbilduko dira, besteak beste: Hosoo, Mongoliako jatorrizko khoomil kantuaren maisuetako bat, eta Aziza Bahlm, erritmo desberdinak musika saharauiekin nahasten dituena.
- Hilaren 3an, larunbateaneta 4an, IGANDEAN, animazioak Ledesma eta Ercilla kaleak (Indautxu), Kale Nagusia eta Abandoibarra (Guggenheim ondoan) hartuko ditu, bi ikuskizun ibiltarirekin, Les Enjoliveurs eta Acousteel Gang konpainia frantziarren eskutik. “Los Chtouss” da Les Enjoliveurs taldearen azken lanaren izenburua, lau emanaldi eskainiko dituena, larunbatean Ledesman, 13.00etan, eta Kale Nagusian 18.30ean, eta igandean, Ercilla kalean 13.00etan eta Abandoibarran 18.30ean. Ikuskizun ibiltari ikusgarria da, umore eta musikaz betea, ibilbidean zehar giroa erritmo eta poztasunez bustiko duena. Gainera, bere Chtoussmobile-an helduko dira, leku batetik bestera joateko erabiltzen duten gurdian.
Bestalde, Acousteel Gang-ek ere lau emanaldi eskainiko ditu, bi Ercilla kalean (larunbatean 13.00etan eta igandean 18.30ean), Abandoibarran (larunbatean, 18.30ean) eta Ledesma kalean (igandean, 13.00etan). Zortzi musikarik osatzen duten banda frantziarrak Bilboko kaleak zeharkatuko ditu steel-drumm erritmoarekin, Karibeko danbor metaliko eta melodikoarekin. Bandako kideek, megafonodun abeslari-pregoilariaren inguruan, showman neka ezina, disko eta ska musikaren abesti estandar nagusiak interpretatuko dituzte.
Prozesioak, aste santuaren arima
Prozesioak martxoaren 26an hasiko dira, Pasioko Ostiralean, Abandoko San Vicente Mártir Elizatik Doloreetako Amaren irteerarekin. Prozesio hori izango da hamar egunez Bilboko kaleak zeharkatuko dituzten 14 prozesioetako lehena, eta bi mila kofradiakidek baino gehiagok hartuko dute parte. Aste Santuko berezko errito garrantzitsuena Argiaren eta Berpizkundeko Prozesioa izango da. Prozesio hori, apirilaren 4an izango da eta Santiago Katedraletik irtengo da.
Bestelako jarduerak
Hurrengo egunetarako Bilbon izango diren bestelako jarduera batzuk ondokoak dira:
- Bilbao Ars Sacrum, BAS, Bilbao 700 Fundazioak antolatutakoa. Martxoaren 26tik apirilaren 1era, Jaialdiak aurtengo edizioan bizitzaren eremu guztietan emakumeak duen indarra eta gorputz eta arima ematea goraipatzen ditu, eta liturgian eta kristau tradizioetan izan duen garrantzia azpimarratzen du. Arriaga antzokia, Enkarnazioko eliza eta eraberritutako Campos antzokia dira kontzertuetarako aukeratutako eszenatokiak.
- 365 JAZZ BILBAO, Bilbao 700 Fundazioak urte osoan zehar antolatutako Jazz Jaialdiak, hiru kontzertu eskainiko dizkigu data hauetan. Charlie Haden baxu jolearen emanaldia, Charlie Haden Quartet West bere taldearekin batera. Domine hotelak Sin Papeles Quartet taldearen emanaldia hartuko du. Azkenik, Daniel Amat Trio taldea Indautxu hotelean arituko da apirilaren 9 eta 10ean.
- Antzerkia La Fundición-en, Le Pont Flotant konpainia valentziarraren eskutik, Euskadin bere “Ejercicios de Amor” lana estreinatuko duena.
- Dantza Plazetan Programa. Martxoaren 27an, 20:00etan Santiago plazan, erromeria, alardeak eta kalejira Salbatzaile Dantza Taldearen eskutik.
- FAS Zine-Klubak martxoaren 30ean zine foruma eta solasaldia eskainiko ditu Chronique d’un Ă©tĂ© (ParĂs,1960) pelikularekin. Karmengo Elizako Ekitaldi Aretoan.
- Martxoaren 28an nagusiek La Casillan ohiko dantza emanaldiaz gozatzeko aukera izango dute, Turismo eta Jaietako Sailak antolatutakoa.
- Apirilaren 11n Artisautza Feria izango da Deustun. Egun berean, Santutxun, Nekazaritza eta Artisautzako Feria izango da.
Museoak - Erakusketa apartak
Aste Santua une egokia da, denbora faltak eragindako kezkarik gabe, gure hiriko museo anitz eta desberdinetara hurbiltzeko.
Alde Zaharra: giroa eta gastronomia
Bilbao Turismok Alde Zaharrean zehar paseatzeko eta alde hori ezagutzeko gidatutako bisita-zerbitzua du. Egun hauek aukera paregabea dira erdi aroko Bilbon zehar paseatzeko eta bertako historia ezagutzeko.
Gaur egungo Alde Zaharrak giro bizia eta zalapartatsua du, merkataritza eta jatetxe eskaintza zabalari esker, publiko guztientzako topagune izatera gonbidatzen duena: gazteak, familiak, adinekoak, bisitariak eta bilbotarrak.
Espazio bildu eta bisitariak oinez erraz zeharkatu dezakeenekoan diren 500 denda baino gehiago, erreferentzia dira Europa osoan. Zaporez betetako tabernek eta ehun jatetxek eta pintxo tabernek baino gehiagok bisitariaren esku jartzen dute tokiko gastronomiaren onena eta benetakoena.
Erlazionatutako sarrerak
Atalak: 
Etiketak: 
