Astebete Berlinen eman behar baduzue, eta parranda baldin ba da zuen hobbirik gustukoena, hurrengo gomendioak aurkezten dizkizuet:
Astelehena: Kaffe Burger, patxangeo rockeroa jarri ohi dute, gehienetan alemanez beteta egon ohi da, baina noizbehinka Erasmus ikasleak ere ikus daitezke, galdurik eta erdi (edo guztiz) mozkor.
Heltzeko:
Kaffee Burger GmbH
Torstraße 60
10119 Berlin
U-bahn Rosa Luxemburg Platz
Asteartea: Cafe Zapata, musika latinoa jartzen dute noizbehinka, baina gehienetan brittpopa edo underground musika jotzen dute. Batzuetan ere kontzertuak egoten dira.
Heltzeko:
Café Zapata GbR Ludwig Eben, Ulrik Wagner
Oranienburgerstr. 54
10117 Berlin
U-bahn Hackescher markt
Asteazkena: Mittwoch, bakarrik asteazkenetan irekitzen duen kluba. Hau aurkitzeko galdetu behar duzue, hori da ohitura, eta pasahitza jakin behar da, astero aldatzen delarik. Bertan bi arau bakarrik daude: “Mittwochen gertatzen dena, Mittwochen geratzen da” eta “Argazkirik ez”
Osteguna: Sage Club, nire gogokoena, Berlinen bizi nintzenean ostegunero joaten nintzen. Rock gaua da, kontzertu bat dago eta gero lau areto dituzte musika ezberdinekin, baina denak rock antzekoak. Oso gomendagarria!! Aitzatik, datorren ostegunean bertan egongo naiz berriro!!!!!
Heltzeko:
Sage Club
Köpenicker Straße 76
10179 Berlin-Mitte
U-Bhf. Heinrich-Heine-Straße
Ostirala: Fritz Club edo Rosi’s, bietan kontzertuak egon ohi dira, Fritz patxangeo antzekoa izan ohi da, Hip-Hop musika eta pop-rock musika jartzen dutelarik gehienetan. Rosi’s ordea musika elektoniko gehiago jartzen du. Biak ikaragarri handiak dira eta normalean ez dago sartzeko arazorik.
Heltzeko:
Fritzclub
Prinzessinnenstr. 1
10969 Berlin
U-bahn Moritzplatz
ROSI’S
Revalerstr. 29
10245 Berlin
U-bahn Warschauer Str.
Larunbata: Weekend, Berlinen erdian dagoen etxeorratz baten 12garren solairuan dago. Musika elektonikoa jotzen dute baina onena egunsentian Berlinen gailurretik dagoen ikuspegia da.
Heltzeko:
Week end
Alexanderplatz, ez dakit zenbakia
U-bahn Alexanderplatz
Igandea: EGIZUE LO PIXKA BAT!!!!!
Espero dut honekin aste on bat pasa dezazuela!!!
Erlazionatutako sarrerak
Mugagabe ekintzaren barruan, “Soy especial” antzerki obra egongo da datorren igandean Bilboko Bilborock aretoan. Antzerki obra hau orain dela sei urte Barakaldon sortutako Vuela bonita korporation taldearen lan berria da eta hurrengoko agenda dauka:
- Azaroak 23 - Bilborock
- Abenduak 7 - Kontainer aretoa
- Abendua 12 - Urdulizko kultur etxean
Erlazionatutako sarrerak
Musikaren gozamea eta ezagutza sustatzeko asmoz “Musika hurbiletik. Genero Sinfonikoak” deituriko ikastaroa egingo da Bilboko arte eder museoan.
Hona hemen ikastaroares informazio guztia:
Zale guztientzat (prestakuntza akademikorik ez dutenentzat ere bai) irisgarriak diren baliabideen bitartez musikaren gozamena eta ezagutza sustatzeko asmoz, BOSek ikastaro bat antolatu du. 6 saiotan (bakoitzak 75 minutu iraungo du), errepertorio sinfonikoaren zenbait arlo landuko dira, modu atseginean.
Noiz.
Azaroaren 19 eta 26an, eta abenduaren 3, 10 eta 17an (asteazkenak).
Non.
Museoko Auditorioan, 19:15etik 20:30era, gutxi gorabehera. 40 € (BOSen abonatuak eta Bilboko Arte Eder Museoaren Lagunak) / 60 € (sarrera orokorra).
Informazioa eta izen-ematea:
Bilbao Orkestra Sinfonikoa
Euskalduna jauregia, Abandoibarra etorbidea 48011. Bilbao. Tel.: 94 40 35 205
Informazio gehiago | Bilboko Arte Eder Museoa
Erlazionatutako sarrerak
Berlin Alemaniako hiriburu eta hiririk handiena da, gaur egun 3,4 milioi biztanle dituelarik. 1307garren urtean Cölln eta Berlin deituriko bi herriren bateratzean sortu zen gaur egun ezagutzen dugun Berlin.
1871garren urtean, Prusiarrek Alemania bateratzea lortu zutenean, Bigarren Reicheko hiriburu bilakatu zen, berriro ere Hirugarren Reicheko hiriburua izango zelarik Bigarren Mundu Gerran zehar.
Honen ostean lau barrutitan banatua izan zen hiria lau herrialde aliatuen administraziopean: Sobietar Batasuna, Estatu Batuak, Erresuma Batua eta Frantzia. Azken hiru sektore edo barruti hauek bateratuak izan ziren eta Estatu batuen kontrolpean gelditu ziren, Mendebaldeko Berlin deitzen duguna sortuz, Ekialdekoa Sobietar Batasunaren kontrolpean gelditu zelarik.
1961ean Berlin bitan banatuko zuen harresi bat eraiki zen, 1989ko azaroaren 9an eraitsia izan zena, Alemaniaren batasunari ateak irekirik.
Labur-labur, hau litzateke Berlinen historia. Gaur egun, Berlin munduko hiririk kosmopolitenen artean aurkitu dezakegu, mugimendu soziokultural aurrerakoienen eta joera artistiko apurtzaileenen aberria delarik. Modernizazio bilakaera hau, harresiaren jauskerarekin batera etorri zen eta, batik bat, ekialdeko herritarrek zituzten askatasun eta desberdintzeko gogoek bultzaturik, Sobietar Batasunak kontrol estu bat mantentzen baitzuen adierazpen askatasunaren gain.
Hastear dagoen post serie honetan nik “nire Berlin” erakutsiko dizuet, hiria nik ezagutu nuen moduan aurkeztuz. Goza dezazuen opa dizuet!
Erlazionatutako sarrerak
Hemen uzten dizuet datorren astebururako Hego Euskal Herriko antzoki nagusien egutegia.
Ondo Pasa!
| |
AZAROAK 20 |
AZAROAK 21 |
AZAROAK 22 |
AZAROAK 23 |
| Arriaga Antzokia (Bilbo) |
|
Era la notte (Opera) |
|
Kusturica & No Smoking Orchestra |
| Euskalduna Jauregia (Bilbo) |
Chick Corea & John Mc Laughin Five Peace Band |
I due Foscari (G. Verdi, Opera) |
|
Ciclo Dantzaldia: “Hofesch Schechter / Londres” (Dantza) |
| Kursaal (Donosti) |
Les ballets de Monte-Carlo (Dantza) |
Easo Abesbatza |
|
|
| Victoria Eugenia Antzokia (Donosti) |
|
Solos Dantza Club (Dantza) |
VII Nazioarteko trikitixa jaialdia |
Ana Moura (Fado Abeslaria) |
| Teatro Principal Antzokia (Gasteiz) |
Sí, pero no lo soy (Antzerkia) |
|
La tortuga de Darwin (Antzerkia) |
|
| Teatro Gayarre (Iruña) |
I PURITANI (Opera) |
|
I PURITANI (Opera) |
LA TROVA |
Erlazionatutako sarrerak
Atalak: 
Etiketak: 
