Etiketak: Donostia
Saturday Night Fever, gaur egungo musikalik ezagunenetako bat, Euskadin izango dugu aurki. Oraingo honetan Karen Brucek egingo ditu zuzendari lanak, izen bereko pelikula ospetsuan oinarrituta. Juan Pablo Di Pace (musikal askotan aritu izan da, baita Mamma mia filmean ere) Argentinako aktoreak Tony Manero gorpuztuko du, bere garaian John Travoltak egin zuen bezala.
Bi ordu baino gehiagoko lan zoragarri horrek ikusleak dantzan jarriko ditu, koreografia bikainak eta Bee Gees taldearen abesti ezagunak (“Stayin’ Alive”, “Night Fever” eta “How deep is your love”, esaterako) direla medio.
Musikala Donostiako Victoria Eugenia Antzokian eta Principal Antzokian izango da ikusgai, martxoaren 4tik 7ra eta 18tik 21era, hurrenez hurren. Egun batzuk geroago (maiatzaren 6tik 16ra) Bilboko Arriaga Antzokira iritsiko da.
Iturria | Euskadi.net
Erlazionatutako sarrerak
Martxoaren 12tik 14ra bitartean egingo dute Sevatur, Donostiako Turismoaren eta Aisiaren Nazioarteko Azoka, Kursaal Jauregian. Urtero, 65 erakusle inguru biltzen dira azoka-esparruan, tartean, Eusko Jaurlaritzako Turismo Saila eta turismoaren inguruko beste erakunde publiko batzuk, garraiobide enpresak, ostatuak, handizkariak, touroperadoreak, bidaia-agentziak, turismo aktibo eta abentura-kirolen enpresak, parke tematikoak eta hedabideak.
Sevatur guneak 7.000 metro karratuko azalera hartuko du, eta aurreikuspenen arabera, 18.000 bisitari inguru jasoko ditu. Labur-labur esanda, helmuga-turistiko ezberdinen aisialdi eta kultura eskaintzaren berri izateko txoko bikaina da.
Erlazionatutako sarrerak
Urtarrilaren 17an, Berlingo Irratiko Orkestra Sinfonikoaren kontzertuaz gozatzeko aukera izango dugu Donostiako Kursaal Jauregian. Berlingo Irratiko Orkestra Sinfonikoa, Alemaniako orkestrarik ezagunenetako bat, 1923. urtean sortu zen eta Donostian eskeiniko duten ikuskizunan Richard Straussen “Heriotza eta itxuraldaketa” eta Wagnerren “Walkyria (lehendabiziko ekitaldia)” lanak joko dituzte.
Kursaal Fundazioak antolatuta, musika klasikoa gustuko dutenen elkargune bihurtuko da beste behin Donostiako Biltzar Jauregia. Sarrerak 10-48 eurotako prezioa izango dute eta kontzertua gaueko 20:00etan hasiko da.
Iturria | euskadi.net
Erlazionatutako sarrerak
Urtarrilak 8an eta 9an, Motown The Show ikuskizuna egingo da Donostiako Kursaalean eta Bilboko Euskalduna Jauregian. 50eko hamarkadaren bukaeran Ameriketako Estatu Batuetan sortutako diskoetxe bat da Motown. Besteak beste, Stevie Wonder, Marvin Gaye, Diana Ross & The Supremes, The Jackson 5, Smokey Robinson eta The Temptations musika beltzaren izarrak bildu zituen, eta 60ko hamarkadan lortu zuen osperik handiena
Orain, Motown, the Show titulupean prestatu duten ikuskizunari esker, nostalgikoenek garai bateko ikur bihurtu ziren kantak berriz entzuteko abagunea izango dute. Hitzordua urtarrilaren 8an eta 9an izango da, Euskalduna eta Kursaal biltzar-jauregietan, hurrenez hurren.
Hona hemen ikuskizunaren informazio gehiago:
- Urtarrilak 8 - Donostia - 20:30etan - 41/45 euro
- Urtarrilak 9 - Bilbo - 20:00etan - 34/44 euro
Iturria | Euskadi.net
Erlazionatutako sarrerak
Datorren asteazkenean, abenduak 30, Urte Berriko Kontzertua egingo da Donostiako Kursaalen. Kursaaleko Biltzar Jauregira bertaratzen direnek musika onaz lagunduta urteari agur esateko parada izango dute, Vienan urtero egiten den kontzertu ospetsua eredutzat hartuz.
Strauss Festival orkestrak eta Strauss Festival Ballet Ensemble balletak Johann Strauss Austriako konpositore entzutetsuaren bals, polka eta martxa ezagunenak (hala nola, “Napoleon”, “Enperadorearen balsa”, “Danubido urdina” eta “Radetzky martxa”) ekarriko dituzte gurera. Strauss balsaren “erregetzat” dute askok.
Kontzertua gaueko 20:30etan hasiko da eta sarrerak 38/44 eurotako prezioa dute.
Erlazionatutako sarrerak
Atalak: Antzerkia, Musika 
Etiketak: Arriaga Antzokia, Bilbao, Donostia, Gasteiz, Musikala, Principal Antzokia, Saturday Night Fever, Victoria Eugenia Antzokia 
