Larunbat honetan, Gaztañerre Azoka ospatuko da Soraluzeko gipuzkoar udalerrian. Azoka honetan nekazaritza, abeltzaintza eta eskulangintza izaten da protagonista nagusia eta urtero bezala, abereen eta hegaztien erakusketa jartzeaz gainera, bertako baserritar eta artisauek euren produkturik onenak salduko dizkiete bisitariei.
Gainera, giroa berotzeko, bertsolariak ikus-entzuteko aukera izango dugu eta egunaren amaieran herri-afaria egingo da Ibai-Eder elkartearen egoitzan.
Informazio guztia | Soraluze.net
Erlazionatutako sarrerak
Ekainaren 5etik 7ra bitartean, Getxoko eskulangintza azoka ospatuko da Areetako Geltoki Plaza inguruan. Azoka honetan, 100 artisau baino gehiago bilduko dira euren produktuak saltzeko, objektu desberdinak egiteko prozedurak eta teknikak erakusteko. Besteak beste, otzarak, zeramika lanak eta zurezko eta larruzko produktuak ikus eta erosteko aukera izango dugu.
Gainera, artisautzaz aparte, gastronomiak ere izango du bere tartea egun hauetan. Ibaiondo kalean, gune gastronomikoa jarriko dute 15 bat standetan, non etxean egindako primerako produktuak daztzeko aukera izango dugu: gazta, gozoak, ogia, marmeladak, pastelak eta likoreak.
Azoka 11:00etatik 14:30etara eta 17:00etatik 21:00etara egongo da zabalik (larunbatean gaueko 22:00era arte).
Erlazionatutako sarrerak
Datorren Larunbatean, Apirilak 4, Ganadua eta eskulangintza azoka egingo da Laudioko herrian. Aberedun abeltzainen elkarteak urtero antolatzen du Dolumin Ostiraleko ganadu-azoka eta goizeko 9:00etatik aurrera zenbait erakusketa egingo dira Aiarako koadrila osoko zein Orozko eta Urduñako behi, zaldi, ardi, ahuntz eta txerriekin.
Araba eta Baias Ibaia kaleen arteko Zumalakarregi Hiribideko tartean ganadu erakusketak egingo dira eta Herriko Plazan nekazaritza eta eskulangitza produktuen salmenta-postuak aurkituko ditugu.
Iturria | Euskadi.net
Erlazionatutako sarrerak
Atalak: Aisia, Kultura 
Etiketak: abeltzaintza, Artisautza, azoka, Eskulangintza, Gaztañerre Azoka, nekazaritza, Soraluze 
