Urtero egiten den bezala, Urtarrilaren 17an, jatorrizko deituradun txakolin-uzta berriaren aurkezpena egingo da Getariako udalerrian. Txakolin Egunari hasiera emateko, meza egingo dute San Salvador elizan. Ondoren, iazko uztaren aurkezpen ekitaldi ofiziala egingo dute Getariako pilotalekuan, eta hara bertaratzen direnek 1.000 botila txakolin baino gehiago dastatzeko aukera paregabea izango dute.
Arratsalderako herri-kirolen (aizkolariak eta harri-jasotzaileak) erakustaldiak antolatu dituzte, eta musikak eta bertsoek ospakizuna girotuko dute.
Erlazionatutako sarrerak
Bihar, Apirilak 19, Aiako Txakolin egunaren zazpigarren edizioa egingo da goizeko 11:30etatik aurrera. Gipuzkoan kokatutako udalerri txiki hau, Getariako Txakolina jatorrizko deitura duten Zarautz, Aia eta Getariako 16 upategiek egindako txakolina eskeiniko du bertara hurbiltzen diren guztiei.
Txakolin eguna dela eta, Eusko Labela duen txahala burruntzian errea egongo da Herriko Plazan txakolinarekin batera daztatzeko.
Mahastizainek eta euskal administrazioak elkarlanean berreskuratzearen eta kalitatearen alde egindako esfortzuari esker, 1989an Getariako Txakolina Jatorrizko Deitura gisa onartu zen, eta izen bera jarri zioten: Getariako Txakolina.
Jatorrizko Deituraren Kontseilu Arautzaileak egoitza Getarian du eta bertatik, bertako mahatsaren jatorria, mahasgintza eta kalitate-kontrola ikuskatzen ditu kontsumitzaileari Getariako Txakolinaren bermea eskaintzeko.
Erlazionatutako sarrerak
Atalak: 
Etiketak: 
